ازيكم ياحبايب قلبى يارب بخير وربنا يجعل دعواتى ليكم امس من نصيبكم بصو بقى ده اول موضوع ليا
هنا واول مرة اقعد وارفع صور بصراحة ماعنديش طولة بال بس قلت ده بالذات مايتفوتش ولازم تشوفوه
انا الحمد لله امس امس عملت عمرة والحمد لله ربنا يرزقكم جميعا زيارة بيته
ودعيت للفتوكات كلهم طبعا دعيت لفتوكات بالاسم واللى اعرفهم واخر ما زهقت قلت لا انا ادعى للكل امال
يعنى اخواتى وحبايبى مايبقاش ليهم نصيب من الدعاء دعيت للفتوكات كلهم والمتواجدات فى فتكات جميعا براحة البال وكل واحده تنول اللى تتمنى
بارغى كتير صح ههههههههههههههه بس عاوزة اقولكم حصلى حاجات فى العمرة دى الحمد لله على كل حال
ربنا يتقبلها يارب
نبتدى بقى الرحلة عارفاكو زمانكو بتقولو ايه الست الرغاية دى عاوزين نتفرج
هههههههههههههههههههههههه طيب ماتزوقوش
بسم الله نبدا
دى اول صورة احنا بفضل الله وصلنا الحرم الساعه 3ونص قبل العصر بحاجه بسيطة
ودى اول صورة للحمام اللى قدام الحرم قد ايه منظر رائع والحمام كتييييررررررررررررررر
دى صورة للفنادق اللى قدام الحرم ومنهم البرج اللى فيه الساعة
باب الملك عبد العزيز
دى كان العصر اذن وطلعنا فوق فى تالت دور لان الحرم كان اتملى بالناس منظر راااااائع
ولما نزلت صورت الصورة دى ودول المصليين وهما خارجين من الحرم
دى صورة من بعيد قبل ما ادخل للكعبة مش قادرة اوصفلكم لحظة النظر للكعبة هى مش اول مرة بفضل الله عملت عمرات مش هاقدر اعدهم بس اول نظرة واول مرة شوفت فيها الكعبة جالى هيستريا بكاء وققفت مكانى صليت ركعتين شكر لله انه من عليا بالنظر للكعبةزعلانة و باعيط
دى صورة بقى لما قربت اكتر كنت خلاص هانزل للحرم
دى وانا باطوف وصورة مقربة للكعبة الريحة لاتوصف يابنات بجد شىء لا يوصف
دى برده واحنا بنطوف وصورت الساعة والاذكار اللى بتظهر فى الساعة متحركة بتتغير باذكار كتير
مقام ابراهيم عن قرب كان نفسى اصور قدم سيدنا ابراهيم بس كان زحمة فظيعة